تصرح دخول للسودان

السلام عليكم ورحمة الله

والله كنت جالس افكر بعد في مشاركة تكون جديده وفريده , طبعا معظم السودانيين اما مغتربين او كانوا مغتربين او في مرحلة الاغتراب او الخروج في البلد باي شكل كان "ربما" اكون غلطان , ولكن موضوعي هنا انكم عندكم تجربة في هذا الامر , الموضوع هو تصريح دخول الي اي بلد عربي كان ام اجنبي وبمعني اخر فيزة الدخول او عن طريق الكفالة , ففكرة وفكرة لماذا السودان مفتوح للجميع وبدون كفالة او رقيب وحسيب لكن وبما انني امتلك الجنسية البوسنية مع السودانية لان القانون السوداني يسمح بحيازة جوازين سفر ( طبعا لو كنت خيرت في التنازل عن جنسيتي السودانية فكان الرفض هو الجواب الاول و الاخير)
ذهبت الي السوادن في زيارة لمدينتنا الحبيبة الدويم لزيارة الاهل و الاحباب , في اول الامر فكرة الدخول بالجواز السوداني ولكن فضلت الدخول بالجواز البوسني فارسلت جوازي الي فيينا لوجود السفارة السودانية هناك لطلب الفيزاء ( خطوة متعبة ولكن افرحتني جدا)
بعد الحصول علي الفيزاء توكلت علي الله وركبت الطائرة المتوجهة للخرطوم وفي الطائرة كانت نصفها عمال من الصين والنصف الاخر سودانيين مخلوطين زي كده!!!
في المطار كان هناك صفين من القادمين صف يؤدي الي كاونتر مكتوب عليه الاجانب و الاخر المواطنين و الله اعلم
وقفت في صف الاجانب زي و زي اي واحد صيني , تقدم مني شاب يلبس زي شرطي ورتبة كمان في المطار , في الوهلة الاولي فخفت وقلت الله يستر يقوم يكلبشنا ههههههههههههههههههههه لكن كانت عليه ابتسامة تعلوا شفاه , فسالني بصوت هادي طبعا بعد السلام عليكم , وقال لي من وين انت جاي فقلت له من البوسنة فضحك وقال لي انت اللي وداك هناك شنو, فرديت طلبا للعلم فقال لي تعال معاي , مشيت فإذا به يقدم لي ورقة عليها اسئلة ( ثانوية عامة) فيها كل ما يتعلق بي من معلومات ومن ضمنها وهذا ما اعجبني ( كم المدة التي ساقضيها في السودان ) والعنوان بالكامل و رقم الهاتف وغيره من المعلومات التي لامجال للكذب فيها , وفي حالة تاخري في السودان ليوم واحد من المدة المحددة لي يتوجب علي ابلاغ الشرطة بذلك وتمديد المدة مع دفع الضريبة ,, وكان هناك اجراءت لا اذكرها ولكن تدل علي ان الموضوع ليس بتلك السهولة التي كنت انا متوقعها
تلك الاجراءت وبما انها صعبة و متعبة ولكن ادخلت في نفسي السرور و البهجة لانني مجرب الغربة واعلم تماما ماذا يفعل بالشخص المتاخر عن التجديد او المتخلف ,, فنحن نعمل أسوة باخوتنا العرب في دخول بلادهم فمن حقهم عمل كل ماهو يحفظ امن ومستقبل بلادهم ,, وكذلك نحن يجب قفل جميع الحدود بالطبله ( بالرخ و الطابيه) , ومن اراد ان يزورنا فلدينا نحن ابواب ولكن بشروط ونظام

وسلامتكم

تحياتي

من طرف أعز الناس الثلاثاء نوفمبر 27, 2007 10:09 pm

صباح الخير يا سعادة المدير العام :

اولا : انا الفترة الماضية كنت مدروش درش بس الله لا يوريك واحتمال تزيد شوية الفترة لذلك أأسف لعدم اضافات مواضيع جديده وانشاء تفرج في القريب .
ثانياً : والله موضوعك جميل من الصباح ( فتح شهية ) وانا والله كل يوم بفكر اذا الواحد معاهو جنسية تانية يدخل السودان بأيهما ، فالجنسية الاجنبية تتعب في اجراءات اخذ الفيزا والتمديدات الزكرتها دي واما تدخل بجوازك السوداني وفي هذه حدث ولا حرج بس تدعو تقول الله يحلك من جهاز المغتربين وخدمته الوطنية وبنات الضرائب هناك صح الموضوع تم فيه اقصاء بعض البنود لكن برضو تعب، والدخول سهل للمواطن لكن حيكون ليك صعب الخروج وفي الحالتين انت ضائع وربنا يوفق لما فية الخير يا مديرنا الغالي

الله يسهل عليك ياابوالشباب والبيت بيتك ,, واشكرك علي المرور والتعليق

تحياتي

تصرح دخول للسودان

تصرح دخول للسودان

رد: تصرح دخول للسودان

رد: تصرح دخول للسودان